Maria Rosa Vilma Tuazon Santos-Recto (born Maria Rosa Vilma Tuazon Santos November 3, 1953 in Bamban, Tarlac), commonly known as Vilma Santos-Recto or Ate Vi is a Filipino actress and box office queen for almost four decades. One of the original Philippine movie queens, she rose up to become the versatile actress that has been given the fitting title of “Star for All Seasons” because of her capacity to adapt to the changing mores and values of the Filipino woman, giving a face to their plight and struggles, albeit in success both critically and box-office wise in some of Philippine cinema’s classics such as Trudis Liit (1963), Lipad, Darna, Lipad (1973), Burlesk Queen (1977), Relasyon (1982), Sister Stella L. (1984), Alyas Baby Tsina (1984), Pahiram ng Isang Umaga (1989), Dahil Mahal Kita: The Dolzura Cortez Story (1993), Anak (2000) and Dekada ’70 (2002). She is currently the governor of Batangas, Philippines (2012)(Wikipedia).

For More Informations, Visit: Vilma Santos-Recto's Official Web-site

Monday, November 26, 2018

Mga Kalapati sa Amsterdam


"Okey din naman pala itong utol kong si Ethel Ramos. You see, she went with Vilma Santos to Amsterdam and like a good sister...she sent me these exclusive pictorials of Vilma Santos and that of up-and-coming actor Mark Gil. Mark, as you have probably heard went ahead of Vi to Amsterdam. So, Mark was able to see the rounds of Amsterdam even before Vi came. So impressed was Mark that he almost memorized the favorite spots he went to and volunteered to become Vi's guide. Sa Damsquare unang ipinasyal ni Mark si Vi. Sa lugar na ito raw malimit na nagpapasyal ang mga tagaroon. Karaniwan na, doon sila nag-papalipas ng maghapon, nakaupo sa mga upuang sadyang ginawa para sa mga turista at kundi nagpapahangin ay nagpapainit kaya. Sa Damsquare ay makikita ang pagkarami-raming kalapati. Kung gusto mong pagkalumpunan ka ng mga kalapati na pagkaaamo, pakainin mo lang sila at pagkakaguluhan ka ng mga ito. Maraming nagtitinda ng mga pagkain ng kapati sa Damsquare. Iyon ang tagpong malimit nating makita sa mga pelikulang English. May eksenang ganito si Vi na mapapanuod natin sa "Miss X" na ginawa nila in its entirety in Amsterdam. "Nakakatuwa si Vi habang pinanonood mo siyang nakikipaglaro sa mga kalapati..."


Hindi Nakaporma - "She was bubbling with joy," puna ni Mark, who obviously was smittened yata with Vi's charm. Kaya lang, ang balita namin, tipo raw na hindi nakaporma si Mark kay Vi dahil sa isang Dutchman na laging nakadikit sa aktres. Kamukha raw ni Ramil Rodriguez ang "suitor"na ito ni Vi at talaga raw matinding-matindi ang tama sa ating dalaga. Makikita ninyo sa movie ang Dutchman na ito dahil kasama rin siya sa cast ng "Miss X." At mukhang seryoso raw ang Dutchman na ito dahil may nagbulong sa amin, malamang na pumunta siya rito sa ating bansa para totohanin na ang kanyang panliligaw. Kapag nangyari ito, masaya siguro. By the way, back to Damsquare, naroon din daw pala ang palace ni Doña Juliana, ang reyna ng Amsterdam, pero hindi siya doon nakatira. Minsan isang buwan lang kung buksan ang palasyo at itoý kung may cabinet conference. Si Doña Juliana ay anak ng first queen ng Amsterdam na si Doña Wilhelmina. Sa Soastdijk (pronounced as Susdak) siya nakatira. Isang lugar din ito sa Netherlands. Ipinasyal din ni Mark si Vi sa Red Light District. Dito kinunan ang malaking bahagi ng "Miss X." Dito nga makikita ang much talked about na mga babaing naka-display sa eskaparate at for hire for a 15-minute pleasure..." - Article by Chit A. Ramos, Photos: Bing Cruz, first published at Jingle Extra Hot Magazine, 26 November 1979, Posted by James DR, Pelikula (READ MORE)

Sunday, November 25, 2018

Bagong Porma sa Lumang Pormula


Sa Gaano Kadalas Ang Minsan?, Minsan pang pinatunayan ni Danny Zialcita ang kanyang pambihirang abilidad sa pagbibigay ng bagong treatment sa lumang tema ng pag-ibig, na kadalasa'y umiikot sa pormula ng trianggulo. (Hindi nga ba't maging sa kanyang mga naunang obra tulad ng Hindi sa Iyo Ang Mundo, Baby Porcuna at Ikaw at ang Gabi, ay naitatak ni Zialcita ang kanyang makabagong sensibilidad sa pagtalakay sa mga kuwento ng pag-ibig?) Mula sa istorya ni Tom Adrales (na nagsilbing katulong ni Zialcita sa iskrip at sa direksiyon), ang Gaano Kadalas ay tungkol sa magkaibigang Lily (Vilma Santos) at Elsa (Hilda Koronel), na bagama't kapwa nakaririwasa sa buhay ay magkaiba naman ng suwerte. Matapos magpatingin si Hilda sa doktor, nalaman niyang wala na siyang pag-asang magkaanak pa. Si Vilma nama'y may kaisa-isang anak nga sa pagkadalaga pero wala naman itong ama at mas grabe pa, may taning na ang buhay ng bata (may congenital heart desease ito). Minsan, nagkahingahan ng problema ang magkaibigan, at sa kanilang pag-uusapa, inalok ni Hilda si Vilma na gawing ama ng kanyang anak ang asawa nitong si Louie (Dindo Fernando). Bagama't ipinalabas niyang mahal din niya ang bata at gusto niya itong mapaligaya kahit pansamantala lang, ang kanyang tunay na pakay ay mapaglapit ang kaibigan at ang asawa nang sa gayo'y magakaroon siya ng maaampong anak mula sa relasyon ng dalawang taong kapwa niya mahal.

Nagtagumpay ang tatlo sa kanilang pagpapanggap, at gay ng inaasahan, nagka-ibigan nga ang dalawa. Pagkatapos mamatay ang anak, nagbuntis si Vilma. Dahil delikadong manganak siyang muli (diumano'y may sakit siya sa puso), nagtangkang ipalaglag ni Vilma ang nasa kanyang sinapupunan. Napigilan siya ng kaibigang si Chanda Romero at ni Dindo mismo. Perso sa wakas, nang siyang magsilang, nawalan si Elsa ng asawa, kaibigan at anak. Mahusay ang pagkakadevelop sa kuwento ng Gaano Kadalas at epektibo ang direksiyon ni Zialcita. Nagawa nitong masangkot ang manonood sa problema ng mga tauhan. Absorbing ang naging tunggalian ng mga puso't damdamin. Naipakitang may sapat na motibasyon ang kanyang mga tauhan para pumasok sa ganoong arrangement. Gayunman, may ilang katanungang hindi nasagot sa pelikula. Una, paano nakakasiguro si Hilda na ipagkakaloob sa kanya ni Vilma ang anak nito kay Louie sakali ma't hindi namatay ang bata? Ikalawa, bakit masyadong naging hayagan ang relasyon nina Vilma't Dindo lalo pa kung isasaalang-alang ang kanilang tayo sa sosyedad? Ikatlo, kung totoong mapera si Vilma, bakit nahirapan siyang kumontak ng abortionist at dahil nga dito'y isinugal pa ang buhay? Kung tutuusin, lalo pang naging prominente ang mga kakulangang ito dahil lubusang nag-rely ang pelikula sa samu't saring medical convolutions ng plot: kesyo may anak nga si Vilma pero blue baby naman at kesyo hindi rin siya puwedeng manganak ulit dahil sa sakit niya sa puso (at ang mga ito ay nakapagtatakang hindi pa nalalaman ni Dindo).

Ang madalas magpaangat sa pelikula ay ang acting cast. Dahil mas malaman ang kanyang papel at tila naperfect na ni Vilma Santos and agony ng other woman mas nangibabaw ang kanyang performance kay Hilda Koronel. Kahit na mas marami ang nagsasabing si Hilda ang mas angat dito. Pasulpot-sulpot ang papel ni Hilda at may kahinaan ang motibasyon (isipin mong siya pa ang nagtulak sa sariling asawa sa ibang babae!). Medyo nakaka-distract ang kanilang mga kasuotan (mga gawa ni Christian Espiritu), gaya rin ng ayos ng mga bahay at kasangkapang tila nakikipagkumpetensiya sa tauhan. Epektibo rin ang pagganap ni Dindo Fernando bilang Louie na nakati ang puso para sa dalawang babae. Magagaling din ang supporting cast, lalo na si Suzzanne Gonzales, ang yayang sosyal at ang batang si Alvin Joseph Enriquez. Kahit maikli ang kanilang papel, mahusay rin ang rehistro nina Tommy Abuel, ang doktor na nanliligaw kay Vilma, at si Chanda Romero, bilang matalik na kabibigan ni Vilma. - Justino Dormiendo, Manunuri Ng Pelikulang Pilipino, Jingle Extra Hot Magazine 1982, reposted by Pelikula Atbp (READ MORE)
Related Posts Plugin for WordPress, Blogger...
FAIR USE NOTICE: This site contains copyrighted materials the use of which has not always been specifically authorized by the copyright owner. We are making such material available in our efforts to preserve the film legacy of actress, Vilma Santos, and to make her career information available to future generations. We believe this is NOT an infringement of any such copyrighted materials as in accordance to the fair dealing clauses of both the Canadian and U.S. Copyright legislation, both of which allows users to engage in certain activities relating to non-commercial/not for profit research, private study, criticism, review, or news reporting. We are making an exerted effort to mention the source of the material, along with the name of the author, performer, maker, or broadcaster for the dealing to be fair, again in accordance with the allowable clauses. For more info: Wikipedia: Fair Dealing

PLEASE NOTE: Paid advertising on Star For All Seasons may not represent the views and opinions of this website and its contributors. No endorsement of products and services advertised is either expressed or implied. The owner of this web-site is not earning any revenue from advertising posted in this site. This is in connection to the “not for profit/commercial use” fair use notices the site owner have been disclosing to this site’s readers.